АҚШ давлат котиби Майк Помпео Нью-Йоркда Шимолий кореялик олий мартабали амалдор Ким Ён Чхол билан кўришади. Бу ҳақда Оқ уй матбуот хизматига таяниб, «Газета.ru» хабар берди.
«Марказий қўмита раисининг ўринбосари Ким Ён Чхоль Нью-Йоркка йўл олмоқда, у АҚШ давлат котиби Майк Помпео билан учрашади», — дейилади хабарда.
Бироқ Оқ уй Помпео ва КХДР вакилининг учрашуви айнан қайси санада бўлиб ўтишига аниқлик киритмаган.
Таъкидланишича, АҚШ амалга ошириладиган мазкур ташриф икки мамлакат ўртасида сўнгги 18 йилдан бери содир бўлган энг муҳим ҳодисалардан бири ҳисобланади. 2000 йилда КХДР вице-маршали Чо Мён Рок Вашингтонда АҚШ собиқ президенти Билл Клинтон билан кўришган эди.
Изоҳ (0)