Дунёдаги энг йирик бадиий музейлардан бири — Лувр Ислом санъати бўлимида Ўзбекистон экспозицияларини кўргазмага қўйишга тайёргарликни бошлаб юборди. Бу ҳақда музей мутахассислари Францияда танишув сафарида бўлган бир қатор Ўзбекистон ОАВлари, шу жумладан, «Дарё» интернет-нашри журналистига маълум қилди.
Тайёргарлик уч йил вақт олади, кўргазманинг ўзи эса Ўзбекистон тарихий меросининг Европадаги энг йирик намойишига айланади, деди франциялик вакиллар.
«Афсуски, кўпчилик ҳамюртларимиз ва чет эллик меҳмонлар Ўзбекистоннинг бой ноёб маданий мероси ҳақида жуда кам маълумотга эга. Музейимизга йилига қарийб 10 миллион киши ташриф буюришини ҳисобга олганда, Шарқ мамлакати экспозициялари муносиб қизиқиш уйғотишига ишончимиз комил. Бу эса турли мамлакатлардан Ўзбекистонга кўп сонли сайёҳларни жалб қилади. Бу маданий айирбошлаш билан биргаликда, давлат бюджетига анчагина даромад ҳам демакдир», — дея таъкидлаб ўтди Париж музейи вакиллари.
Кўргазма доирасида турли даражаларда халқаро конференция ва учрашувлар ўтказилиши режалаштирилмоқда.
Алишер Азимов, Тошкент — Париж — Тошкент.
Изоҳ (0)