22 май куни Facebook асосчиси Марк Цукерберг Cambridge Analytica билан боғлиқ можаролар фонида Европа парламенти аъзоларининг саволларига жавоб берди. Ушрашув 75 дақиқа давом этган, бироқ Цукерберг кўплаб саволларга жавоб қайтаришга улгурмаган. У қолиб кетган саволларга яқин кунлар ичида ёзма жавоб қайтаришга ваъда берди, деб хабар қилади Meduza.
Апрель ойида Марк Цукербергни икки кун давомида сўроқ қилган америкалик сенаторлардан фарқли ўлароқ Европа парламентида вакилларида атиги 1,5 соат вақт бор эди. Шу сабабли учрашув формати ғалати тус олган: аввалига Цукерберг ўз нутқини сўзлаган, шундан сўнг парламентнинг ҳар бир аъзоси бир нечтадан савол берган. Хусусан, депутатларни Facebook’нинг Европадаги фойдаланувчилар шахсий маълумотларини ҳимоя қилиш борасидаги янги қонун-қоидаларга муносиблиги ва сохта хабарларга қарши курашиш сўз эркинлигига таъсир кўратиши мумкинлиги қизиқтирган. Шундан кейин Цукерберг 25 дақиқа давомида муҳим саналган саволларга жавоб қайтаришга уринган. Белгиланган вақт тугагач, Цукерберг учрашув тугаганини маълум қилган. Цукерберг самолётга кеч қолаётганини ва депутатларнинг жавобсиз қолган саволларига ёзма равишда жавоб қайтаришга ваъда берган ҳолда зални тарк этган.
Эслатиб ўтамиз, аввалроқ Cambridge Analytica компанияси Facebook ижтимоий тармоғининг 50 миллиондан ортиқ фойдаланувчисини шахсий маълумотларини тўплаб сайловчиларнинг сиёсий имтиёзларини таҳлил қилиш алгоритмини ишлаб чиққани ҳақида хабар берилганди.
Изоҳ (0)