Бразилия фуқароси Жадсон Кунья қотиллик содир этгани учун қамалган, бироқ у тайинланган муддат охирига қадар ўтиришни режалаштирмаган ва озодликка чиқиш йўлларини қидирган, деб хабар беради «Корреспондент.net».
Жиноятчи озодликка чиқиш учун ҳожатхона камерасидан туйнук қазишни бошлаган. Бир неча ой ичида у 70 метрли йўлни ковлашга муваффақ бўлган. Аммо манзилга бир метр қолганида, маҳбур кислород етишмаслиги оқибатида туннелда вафот этган.
Полициячилар унинг жасадани ер юзасидан бир метр чуқурлик остидан топган. Озодликка элтувчи йўл маҳбус камерасидан бошланиб, қамоқхонанинг электр сими тортилган панжараларидан ўтган ва ўрмонга йўналган. Шунингдек, полициячилар ер остидан йўлни ёритишда фойдаланилган кабел ва лампочкани аниқлаган. Жадсоннинг оёғига буюмлари солинган қоп боғланган бўлган.
Жасад туннелдан чиқариб олингач, йўл тўлиқ бетон билан ёпиб ташланган.
Изоҳ (0)