АҚШ Океан ва атмосфера тадқиқотлари миллий бошқармаси (NОАА) ваҳима кўтармоқда — ҳаводан олинган намуналар дунёнинг қайсидир мамлакати атмосферага тақиқланган моддани чиқариб, Монреаль протоколини бузаётгани маълум бўлди, деб ёзади Hi-Tech Mail.Ru. Бунда гап 1930 йилларда совитгичларда хладагент сифатида фойдаланилган тихлорфторметан (CFC-11) ҳақида бормоқда.
Олимлар хлорфторуглеродларнинг озон молекулаларига вайронкор таъсирини аниқлаганидан кейин дунёда CFC-11 ни ишлаб чиқариш 1987 йилги Монреаль протоколи билан тақиқланган эди.
Гавайи ороллари ҳудудида ҳаводан олинган намуналар айни пайтда CFC-11 концентрациясининг барқарор камайиши тўхтаб, 2012 йилдаги кўрсаткичга нисбатан 50 фоизга секинлашганини кўрсатди. Шу билан бирга, олимлар бунга ҳали йўқ қилинмаган эски совитгичлар сабаб бўлгани эҳтимолини истисно қилмаяпти.
«Кимдир CFC-11 ни ишлаб чиқараётгани ва у атмосферага сизиб чиқаётгани эҳтимоли юқорироқ, — деди олим Стивен Монцка. — Улар буни нима учун ва қандай мақсадда қилаётганини билмаймиз — бу қандайдир кимёвий жараённинг қўшимча маҳсулоти бўлиши мумкин».
Олимлар сўзларига кўра, ҳозирча ифлосланиш манбаси жойлашган жойни аниқлаш қийин, аммо ҳаво оқимлари таҳлили Шарқий Осиё ҳудудини кўрсатмоқда.
Изоҳ (0)