Сангижумон – Нурота тоғ тизмасининг тармоғи бўлган Оқтовнинг жанубий ён бағрида, Хатирчи тумани ҳудудида жойлашган. Қишлоқнинг номи ҳам ушбу ҳарсангтош билан боғлиқ. Бу ҳақда ЎзА ҳикоя қилмоқда.
Мазкур тош Сангижумон сойи бўйида 900 метр баландликда жойлашган бўлиб, айланаси 20 метр, баландлиги 6 метр. Оғирлиги 280 тоннадан зиёд.
Сангижумонни ғарб тарафга қараб кўтарса қимирлайди ва 7-10 мартагача қимирлаб туради.
Ушбу улкан ҳарсангтош шунчалик енгил тебранадики, уни ҳатто 12-14 ёшли бола ҳам бир қўлда қимирлатиши мумкин.
Иккинчи сирли харсангтош «Тешик тош» деб номланиб, ривоятларга кўра, унинг тешигидан фақат бегуноҳ одамларгина ўта олар эмиш.
Изоҳ (0)