Жиноят ишлари бўйича Наманган шаҳар суди судьяси Н.Раимқулов томонидан «Атангангузар» МФЙ биносида сайёр суд мажлиси ўтказилди.Бу ҳақда «Sarhad.uz» хабар бермоқда.
Ушбу сайёр судда фирибгарлик йўли билан 2000 АҚШ долларини ўқув юрти ҳовлисида олган вақтда ушланган Наманган санъат коллежи ўқитувчиси Оқил Маҳкамовнинг жиноят иши кўриб чиқилди.
Судда аниқланган ҳолатларга кўра, судланувчи Оқил Маҳкамов коллежнинг 3-босқич талабасини Москва шаҳрида бўлиб ўтадиган танловда қатнашишига рухсат олиш учун 2 минг доллар бериши, танловда биринчи ўринни олганидан сўнг Тошкент давлат консерваториясига давлат гранти асосида ўқишга киритиб қўйиши, ўқишга киргандан сўнг яна 500 доллар беришларини айтиб, ҳозир 2000 доллар беришни талаб қилган.
Юқоридаги ҳолатда судланувчи О.Маҳкамов ўзининг хатти-ҳаракати натижасида Ўзбекистон Республикаси Жиноят кодекси 168-моддасининг 1-қисми, 28,211-моддасининг 1-қисмида назарда тутилган жиноятларни содир этган.
Суд жиноят иши материаллари юзасидан О.Маҳкамовни айбдор деб топиб, ЖК 59-моддасига асосан тайинланган жазоларни қисман қўшиш йўли билан энг кам ойлик иш ҳаққининг 55 баравари миқдорида — 9 473 200 сўм жарима жазоси тайинлади.
Изоҳ (0)