Ислом ситвилизацияси маркази, Имoм Бухорий халқаро илмий-тадқиқот маркази ва Ўзбекистон халқаро ислом академияси вакилларидан иборат делегация Франция мусулмонлари кенгашида учрашув ўтказди. Бу ҳақда ЎзА хабар берди.
Франция мусулмонлари кенгаши мамлакатдаги энг йирик мусулмонлар уюшмаси бўлиб, унинг таркибига турк, араб ва африка мусулмонлари ассоциациялари киради. Кенгаш ҳузурида исломнинг мусаффолигини сақлаш бўйича махсус бўлим фаолият юритади.
– Самарқанд, Бухоро, Хива каби тарихий шаҳарлар бутун мусулмон дунёсининг гавҳари ҳисобланади, – дейди Франция ислом кенгаши аъзоси Абдуллоҳ Зекрий. – Мен кўплаб шаҳарларга саёҳат қилганман, лекин Самарқанддек дурдона шаҳарни кўрмаганман. Бутун дунё мусулмонлари Самарқандга боришни, Имoм Бухорий мақбарасини зиёрат қилишни орзу қилади.
– Ўзини мусулмонман деган киши борки, Имoм Бухорийни ҳурмат қилади, – дейди Комор ва Ғарбий Африка мусулмонлари федерацияси бош котиби Ассани Фассаси. Демакки, Бухорий юрти бўлмиш Ўзбекистонга юксак эътибор кўрсатади. Имoм Бухорий, Имoм Термизий, Имoм Замахшарий, Имoм Доримий, Баҳоуддин Нақшбанд, Имoм Насафий, Абу Лайс Самарқандий, Бурҳониддин Марғиноний каби аллома дарғалар Аллоҳ таолонинг чексиз марҳаматидир.
Изоҳ (0)