Пентагон Сурияга яқинда берилган зарбаларга АҚШнинг алоқадорлигини рад этди

Суриянинг Хама ва Алеппо шаҳарлари яқинидаги ҳукумат объектларига берилган охирги икки йирик авиазарбага Пентагоннинг алоқаси йўқ. Бу ҳақда бошқарма раҳбари Жеймс Мэттис маълум қилди, деб ёзади «РБК».

«Ўтган кечада Сурияга ҳеч қандай зарба бермадик», — деди Мэттис Хама ҳудудига берилган биринчи зарба ҳақида журналистлар саволларига жавоб бера туриб.

У эндигина Исроил бош вазири Биньямин Нетаньяху билан учрашувдан қайтганлигини тасдиқлади, бироқ зарбаларни улар берган бўлса, Исроил авиацияси бунга бирор-бир ёрдам кўрсатган-кўрсатмаганлигига изоҳ беришдан бош тортди.

Алеппо ҳудудига берилган зарба ҳақидаги саволга жавоб бера туриб, у ўтган кеча берилган зарбага Пентагоннинг ҳеч қандай алоқаси йўқлигини таъкидлади.