Ўзбекистон Президенти Шавкат Мирзиёев раислигида 26 апрель куни «Обод қишлоқ» дастурига мувофиқ қишлоқларни ободонлаштириш ишларини сифатли ташкил этиш ва жадаллаштириш масалаларига бағишланган видеоселектор йиғилиши ўтказилди. «Ўзбекистон 24» телеканали мазкур йиғилишдан репортаж тақдим этди.
Йиғилишда маъруза қилган Шавкат Мирзиёев вилоятлар ва туманлар ҳокимларини ташаббускор ва интилувчан бўлишга чақирган.Биз [Манас қишлоғидаги] тажрибадан келиб чиқиб, республикадаги барча қишлоқларни босқичма-босқич тубдан обод қилиш мақсадида «Обод қишлоқ» дастурини ишлаб чиқдик ҳамда уни амалга ошириш бўйича барча муҳим вазифалар ва механизмлар белгилаб берилган махсус фармон ва қарор қабул қилдик. Дастурга мувофиқ, жорий йилда республикадаги ҳар бир туманда иккитадан қишлоқда, кейинги йиллардан бошлаб эса ҳар йили ҳар бир туманда учтадан қишлоқда кенг кўламли қурилиш, ободонлаштириш ишлари амалга оширилиши керак.Бу — [биз белгилаб берган йўналиш]. Агар туман ҳокими, вилоят ҳокими ташаббус билан чиқиб, [бунга] қўшимча [яна бошқа қишлоқни ҳам обод] қилса, нур устига нур. Барибир Ватанимиз битта. Бугун қилмасак, эртага қилишимиз керак. Кутиб ўтирадиган замон ўтиб бўлди. Таклиф беринглар, молиясини, ҳисоб-китобини қилинглар, маҳаллий бюджетга туширинглар, тадбиркорларни топинглар, биз сизнинг ташаббусингизни қўллаб-қувватлаймиз.
Ҳар куни ташаббус керак. Ҳар куни изланиш керак. Интилиш керак. Ана шунда биз ўз олдимизга қўйган вазифаларни бажара оламиз.
Шавкат Мирзиёев, Ўзбекистон Президенти
Изоҳ (0)