O‘zbekiston Prezidenti Shavkat Mirziyoyev raisligida 26-aprel kuni “Obod qishloq” dasturiga muvofiq qishloqlarni obodonlashtirish ishlarini sifatli tashkil etish va jadallashtirish masalalariga bag‘ishlangan videoselektor yig‘ilishi o‘tkazildi. “O‘zbekiston 24” telekanali mazkur yig‘ilishdan reportaj taqdim etdi.
Yig‘ilishda ma’ruza qilgan Shavkat Mirziyoyev viloyatlar va tumanlar hokimlarini tashabbuskor va intiluvchan bo‘lishga chaqirgan.Biz [Manas qishlog‘idagi] tajribadan kelib chiqib, respublikadagi barcha qishloqlarni bosqichma-bosqich tubdan obod qilish maqsadida “Obod qishloq” dasturini ishlab chiqdik hamda uni amalga oshirish bo‘yicha barcha muhim vazifalar va mexanizmlar belgilab berilgan maxsus farmon va qaror qabul qildik. Dasturga muvofiq, joriy yilda respublikadagi har bir tumanda ikkitadan qishloqda, keyingi yillardan boshlab esa har yili har bir tumanda uchtadan qishloqda keng ko‘lamli qurilish, obodonlashtirish ishlari amalga oshirilishi kerak.Bu — [biz belgilab bergan yo‘nalish]. Agar tuman hokimi, viloyat hokimi tashabbus bilan chiqib, [bunga] qo‘shimcha [yana boshqa qishloqni ham obod] qilsa, nur ustiga nur. Baribir Vatanimiz bitta. Bugun qilmasak, ertaga qilishimiz kerak. Kutib o‘tiradigan zamon o‘tib bo‘ldi. Taklif beringlar, moliyasini, hisob-kitobini qilinglar, mahalliy byudjetga tushiringlar, tadbirkorlarni topinglar, biz sizning tashabbusingizni qo‘llab-quvvatlaymiz.
Har kuni tashabbus kerak. Har kuni izlanish kerak. Intilish kerak. Ana shunda biz o‘z oldimizga qo‘ygan vazifalarni bajara olamiz.
Shavkat Mirziyoyev, O‘zbekiston Prezidenti
Izoh (0)