Тошкентдаги Байналмилал кўчасига Сеул номи берилади. У корейсча услубда реконструкция қилинади, деб хабар беради «Газета.uz» шаҳар ҳокимининг инвестициялар, инновациялар ва туризмни ривожлантириш масалалари бўйича ўринбосари Алишер Тиллаевга асосланиб.
Амалдорнинг таъкидлашича, Жанубий Корея мутахассислари шаҳар архитектура хизмати билан ҳамкорликда Сеул кўчасининг Бешоғочдан Оқтепагача бўлган қисмининг дизайни устида ишлайди.
Лойиҳага биноан Оқтепа анҳори бўйида сайлгоҳ, қаҳвахоналар, ресторанлар ва бошқа объектлар яратилиши кўзда тутилган.
Лойиҳа Ўзбекистон томонидан ишлаб чиқилмоқда, аммо уни Жанубий Корея экспертлари тасдиқлаши лозим бўлади.
«Биз ростан бу корейсча дизайнми, дарвозалар, дам олиш жойлари ва бошқа объектлар ростанам корейс услубида эканлигини тасдиқлаб олишимиз керак. Қандайдир белгида, ҳарфда адашсак, бу корейсча эмас, бошқача услуб бўлиб қолади», — деди Сеул маъмурияти вакили, Тошкентга шаҳар ҳокимияти таклифига биноан келган Ким Дай Сонг.
Ким Дай Сонг Мўғулистон, Миср, Эрон, Франция, Германия, Ўзбекистон ва бошқа давлатларда корейсча боғларни лойиҳалаштиришда иштирок этган.
Изоҳ (0)