«Инсон ва қонун» газетасига фуқаролардан бири «Нотариус ишга кеч қолишга ҳақлими?» қабилидаги савол йўллади.
Ушбу саволга адлия вазирлиги масъул ходими Нодир Тиллаев қуйидагича жавоб берди:
«Давлат нотариал идораларида иш вақти жадваллари ҳудудий адлия бошқармалари томонидан тасдиқланади. Унга кўра, давлат нотариал идораларида иш вақти ҳафтасига беш кундан иборат бўлиб, соат 9:00 дан 18:00 гача деб белгиланган.
Меҳнат кодексининг 229-моддасига асосан ҳомиладор аёлнинг, ўн тўрт ёшга тўлмаган боласи (ўн олти ёшга тўлмаган ногирон боласи) бор аёлнинг, шу жумладан, ҳомийлигида шундай боласи бор аёлнинг ёки оиланинг бетоб аъзосини парвариш қилиш билан банд бўлган шахснинг илтимосига кўра, иш берувчи тиббий хулосага мувофиқ уларга тўлиқсиз иш куни ёки тўлиқсиз иш ҳафтаси белгилашга мажбурдир.
Афсуски, турли ташкилотлар ёки ҳокимликлар томонидан ўтказилаётган мажлисларга нотариусларнинг ҳам жалб қилиниш ҳоллари учрамоқда. Натижада, нотариал идорада навбат кўпайиб, норозилик ҳолатлари кузатилмоқда. Нотариуслар ортиқча йиғилишлардан озод қилинса, мақсадга мувофиқ бўлар эди».
Изоҳ (0)