Россия президенти Владимир Путин ҳукумат ва Марказий банкка 2024 йилга келиб мамлакатни дунёнинг энг йирик иқтисодиётлари бешлигига киришини таъминлашни топширди. Бу ҳақда давлат раҳбарининг ёрдамчиси Андрей Белоусов маълум қилди, деб хабар беради EADaily.
Бунинг учун Россия ялпи ички маҳсулотини 1,5 фоизга ошириб, Германияни ортда қолдиришига тўғри келади. Биринчи тўрт қаторни эса АҚШ, Хитой, Япония ва Ҳиндистон эгаллаган.
Путин Россиянинг 2024 йилгача бўлган миллий мақсадларининг белгилаб берди. Улар орасида аҳоли сони ва даромадларининг кўпайиши, умр кўриш ва ҳаёт даражасининг оширилиши, пенсиялар миқдори ортиши, қашшоқликни икки баробар камайтирилиши кўрсатиб ўтилган.
Мазкур мақсадларни амалга ошириб, Россия дунёнинг энг йирик иқтисодиётлари бешлигига кириши кўзда тутилмоқда.
Изоҳ (0)