Буюк Британия қироличаси Елизавета Махфий кенгашга набираси шаҳзода Гарри ва америкалик актриса Меган Марклнинг турмуш қуришларига розилиги билдирилган расмий мактуб йўллади. Бу ҳақда «Интерфакс» хабар бермоқда.
The Daily Mail нашрига кўра, қиролича шаҳзода Уильям ва Кейт Миддлтон тўйи арафасида юборган шундай хатида бўлажак Кембриж герцогинясини «садоқатли ва севимли» деб атаганди. Шаҳзода Гаррининг қаллиғини эса тўлиқ исми-шарифини айтиш билан чекланди.
Буюк Британия тахтга ворислик актига мувофиқ, тахтга даъвогар биринчи олти киши муҳим ҳодисалардан олдин қироличанинг розилини олишлари лозим. Акс ҳолда улар Британия монархиясини бошқариш ҳуқуқидан маҳрум бўлади.
Ҳозирда тахтга ворислар рўйхатида отаси шаҳзода Чарльз, акаси шаҳзода Уильям ва унинг икки нафар фарзандидан сўнг бешинчи ўринда бўлиб турган шаҳзода Гаррининг тўйи жорий йил 19 майга мўлжалланган.
Изоҳ (0)