Марказий разведка бошқармасининг янги директори Жина Хаспел Евроиттифоқ давлатларида ҳибсга олиниши мумкин. Бу ҳақда АҚШ махсус хизматларининг собиқ ходими Эдвард Сноуден маълум қилди дея хабар беради Forum Daily.
«Одамларни қийнашда иштирок этган МРБ янги директори Хаспел Евроиттифоққа бошқа махсус хизматлар раҳбарлари билан учрашувларга келишида ҳибсга олиниш хавфи йўқ эмас. Бунга Конституциявий ҳуқуқлар ва инсон ҳуқуқлари бўйича Европа марказининг Германия прокуратурасига шикояти асос бўлиб хизмат қилади», — дея ёзув қолдирди Сноуден Twitter’даги саҳифасида.
The New York Times нашрига кўра, 2002 йилда Жина Хаспел Таиланддаги махфий қамоқхонада терроризмда гумон қилинган икки шахс қийноққа тутилишини кузатган ва буни тасдиқловчи видеокассеталар йўқ қилинишида иштирок этган.
2017 йил июнида Конституциявий ҳуқуқлар ва инсон ҳуқуқлари бўйича Европа маркази Германия расмийларидан терроризмда гумон қилинганларни қийнаш иши бўйича Хаспелни қамоққа олишга ордер беришни сўради. Бунга МРБнинг Таиланддаги махфий қамоқхонада 83 маротаба қийноққа тутилган Абу Зубайданинг иши сабаб бўлди.
Изоҳ (0)