Футбол бўйича Испания Ла Лигасининг 26-тури «Эспаньол» — «Реал Мадрид» ўйини билан старт олди.
Шу куни «Қироллик клуби» сафида Криштиану Роналду, Марсело, Лука Модрич, Тони Кроос, Каземиро каби асосий таркиб футболчилари қайдномага киритилмади. Даниэл Карвахал эса захирада қолди. Оқибатда «Реал» Барселонадаги ўйинда имкониятни бой берди — 0:1.
«Эспаньол» жорий мавсум ҳисобидан «Барселона» билан ўз уйида 1:1 ҳисобида дуранг ўйнаган, «Атлетико»ни эса таслим қила олганди. Мадриднинг бошқа бир жамоаси «Реал» эса сўнгги сонияларда гол ўтказиб юборди. «Эспаньол», шунингдек, Испания Кубоги доирасидаги уй ўйинида ҳамшаҳри «Барселона»дан устун ҳам келганди — 1:0.
«Реал» ва «Эспаньол» жамоаларининг ўзаро сўнгги 11 та ўйинида мадридликлар зафар қучиб келаётганди. 22 ўйиндан буён барселоналик футболчилар ғолиб чиқа олмаётганди.
Испания Ла Лигаси 26-тур беллашувлари 27 февраль, сешанба
«Эспаньол» — «Реал Мадрид» 1:0
Гол: Херард, 93+ (1:0).«Жирона» — «Сельта» 1:0
Гол: Порту, 14 (1:0).28 февраль, чоршанба«Атлетик» — «Валенсия» 23:30 Futbol-TV«Малага» — «Севилья» 23:30«Хетафе» — «Депортиво» 23:30«Атлетико» — «Леганес» 01:30 Futbol-TV«Эйбар» — «Вильярреал» 01:30
1 март, пайшанба«Бетис» — «Реал Сосьедад» 23:30«Лас-Пальмас» — «Барселона» 01:30 Futbol-TV«Алавес» — «Леванте» 01:30
Изоҳ (0)