2017 йилда Туркиянинг сайёҳлик соҳасидаги даромадлари 26,28 миллиард доллардан ошди. Даромадларнинг умумий тузилмасида 20,223 миллион доллар чет эллик сайёҳлар, қарийб 6 миллиард доллар эса хорижда яшайдиган Туркия фуқаролари ҳиссасига тўғри келди, деб ёзади UZ24.
2017 йилда Туркия сайёҳликдан олган даромадларининг 22,5 фоизи чет элда яшайдиган Туркия фуқаролари ҳисобидан шакллантирилган.
Ҳар бир сайёҳ Туркияда ўртача 681 доллар сарфлаган, шу жумладан чет эллик сайёҳ — 630 доллар, хорижда истиқомат қилувчи Туркия фуқароси — 903 доллар, бу эса 2016 йилдагидан (978 доллар) 75 долларга камроқдир.
Сайёҳлар Туркияда 2017 йилда ўртача 12,7 кеча яшаган. Чет элликлар 10,6, Туркия фуқаролари — 22,9 кечани ўтказган.
Туркияга ўтган йили жами 38,62 миллион киши ташриф буюрган, шуларнинг 32,79 миллиони чет эллик, 6,55 миллион — хорижда яшовчи туркияликлардир.
Изоҳ (0)