National Interest нашрининг мутахассислари КХДРнинг япон агломерациясига ядровий зарбаси қандай оқибатларга олиб келиши мумкинлигини баҳолаб чиқди. Экспертлар таҳлил жараёнида Стивенс технологиялар институти томонидан яратилган Nukemаp махсус дастуридан фойдаланди, деб хабар берди «РИА Новости».
Экспертларнинг фикрича, агарда КХДР Японияга ҳужум уюштирадиган бўлса, биринчи навбатда зарба Токиодан 50 километр узоқликда жойлашган АҚШнинг «Йокота» ҳарбий базасига йўналтирилади. Бу каби сценарийда 13 мингга яқин одам ҳалок бўлади ва яна 45 минг киши жароҳат олади. Бироқ ядро чўкиндилари Япония пойтахтига қадар етиб бормайди.
Агарда ракеталар Токионинг Касумигасэки ҳудудидаги ҳукумат тузилмаларига учирилса, 24 мингдан ортиқ одам ҳалок бўлади, шунингдек, 91 мингга яқин аҳоли жабрланади. Мутахассисларнинг ҳисоб-китобларига кўра, Япония Мудофаа вазирлигига зараба берилгудек бўлса, 57 минг одам ҳалок бўлади ва яна 128 минг киши жабрланади.
Мутахассисларнинг таъкидлашича, ушбу зарбадан чиққан радиоактив чиқинди Токионинг аҳоли энг кўп истиқомат қиладиган пунктлари учун ҳалокатли бўлади.
Изоҳ (0)