Корея яриморолининг денуклеаризацияси (ядро қуролидан ҳоли ҳудуд) КХДР билан амалга ошириладиган диалогнинг натижасига айланиши керак. Бу ҳақда Оқ уй матбуот котиби Сара Сандерс маълум қилди, деб хабар берди «ТАСС».
«АҚШ, Жанубий Корея ва халқаро ҳамжамияти Корея яриморолининг денуклеаризацияси Шимолий Корея билан амалга ошириладиган ҳар қандай диалогнинг натижаси бўлиши кераклигига рози бўлди. КХДРга нисбатан босим ўтказиш компанияси у ядровий қуролдан воз кечмагунига қадар давом этиши лозим», — дейди Сандерс.
«Президент Дональд Трамп маъмурияти Корея яриморолини мутлақ ядровий қуролдан ҳоли ҳудудга айлантириш тарафдори. Трамп айтганидек, Шимолий Корея денуклеаризацияни танласа, унинг олдида ёрқин йўл пайдо бўлади. Ядровий дастурларни ишлаб чиқариш — охири берк кўча эканлигини дунёнинг бошқа мамлакатлари ҳам билиб олиши керак», — дея қўшимча қилади Оқ уй матбуот котиби.
Жанубий Корея президентининг расмий вакили Ким Ий Гёмнинг маълум қилишича, КХДР делегацияси аъзолари билан бўлиб ўтган учрашувдан сўнг, Пхеньян «Шимолий Корея ва АҚШ муносабатлари Пхеньян ҳамда Сеул муносабатлари каби параллел равишда ривожланишига» рози бўлган.
Изоҳ (0)