Душанбе шаҳрида «Ўзбекконцерт» давлат муассасаси директори Одилжон Абдуқаҳҳоров ҳамда Тожикистон Республикаси маданият вазирлигининг «Базмаро» давлат муассасаси директори Олим Акбаров ўртасида учрашув бўлиб ўтди. Бу ҳақда «Ўзбекконцерт» давлат муассасаси матбуот хизмати журналист Феруз Муҳаммадга маълум қилди.
20 февраль куни бўлиб ўтган мазкур учрашувдан кўзланган асосий мақсад, Ўзбекистон ҳамда Тожикистон давлатлари ўртасида айнан шу соҳада амалга оширилаётган ишлар бўйича тажрибалар алмашинилди. Шунингдек бир неча йиллардан буён тўхтаб қолган маданий алоқаларни йўлга қўйиш, концерт фаолияти бўйича ҳамкорликни кучайтириш, доимий равишда қўшма концертлар, фестиваллар ташкил этиш борасида келишиб олинди. Шуни алоҳида айтиб ўтиш жоизки, Тожикистонлик мутахасислар томонидан бугунги кунда Ўзбекистон Республикасида Президентимиз томонидан санъат, маданият, эстрада айнан «Ўзбекконцерт» давлат муасассасига қаратилаётган эътибор, берилаётган имкониятлар уларда жуда ҳам катта қизиқиш уйғотди. Улар айнан Ўзбекистон тажрибаси асосида «Базмаро» фаолиятини қайтадан йўлга қўйиш мақсадида, Тожикистон ҳукуматига таклиф киритишни айтиб ўтишди.«Ўзбекконцерт» давлат муассасаси матбуот хизмати
Изоҳ (0)