Dushanbe shahrida “O‘zbekkonsert” davlat muassasasi direktori Odiljon Abduqahhorov hamda Tojikiston Respublikasi madaniyat vazirligining “Bazmaro” davlat muassasasi direktori Olim Akbarov o‘rtasida uchrashuv bo‘lib o‘tdi. Bu haqda “O‘zbekkonsert” davlat muassasasi matbuot xizmati jurnalist Feruz Muhammadga ma’lum qildi.
20-fevral kuni bo‘lib o‘tgan mazkur uchrashuvdan ko‘zlangan asosiy maqsad, O‘zbekiston hamda Tojikiston davlatlari o‘rtasida aynan shu sohada amalga oshirilayotgan ishlar bo‘yicha tajribalar almashinildi. Shuningdek bir necha yillardan buyon to‘xtab qolgan madaniy aloqalarni yo‘lga qo‘yish, konsert faoliyati bo‘yicha hamkorlikni kuchaytirish, doimiy ravishda qo‘shma konsertlar, festivallar tashkil etish borasida kelishib olindi. Shuni alohida aytib o‘tish joizki, Tojikistonlik mutaxasislar tomonidan bugungi kunda O‘zbekiston Respublikasida Prezidentimiz tomonidan san’at, madaniyat, estrada aynan “O‘zbekkonsert” davlat muasassasiga qaratilayotgan e’tibor, berilayotgan imkoniyatlar ularda juda ham katta qiziqish uyg‘otdi. Ular aynan O‘zbekiston tajribasi asosida “Bazmaro” faoliyatini qaytadan yo‘lga qo‘yish maqsadida, Tojikiston hukumatiga taklif kiritishni aytib o‘tishdi.“O‘zbekkonsert” davlat muassasasi matbuot xizmati
Izoh (0)