Америка томони Фаластин миллий маъмурияти раҳбари Маҳмуд Аббоснинг Яқин Шарқ бўйича янги халқаро анжуман ўтказиш ҳақидаги таклифига қарши чиқди, деб ёзади «Интерфакс» Исроилнинг Jerusalem Post газетасига таяниб.
АҚШ томонидан ишлаб чиқилаётган Яқин Шарқдаги вазиятни тартибга солиш бўйича ёпиқ маслаҳатлашувларда Америка вакиллари — Дональд Трампнинг куёви Жаред Кушнер, АҚШнинг халқаро музокаралардаги вакили Жейсон Гринблатт ва АҚШнинг БМТдаги доимий вакили Никки Хейли дипломатларнинг саволларига жавобан, бундай анжуманга тайёргарлик камида бир йил вақт олишини айтди.
Шу билан бирга, Американинг тартибга солиш режаси қисқа вақтлар ичида амалга оширилиши мумкин, деб ёзди газета.
Шунингдек, қайд этилишича, америкаликлар Иордан дарёсининг ғарбий қирғоғида Исроил манзилгоҳларининг қурилиши тинчлик ўрнатилишига имконият яратмаслигини тасдиқлаган. Шу билан бирга, улар аввалроқ АҚШ томонидан таклиф қилинган қуриишларни тўхтатиб қўйиш ғояси ўзининг маҳсулдор эмаслигини исботлади деб ҳисоблайди, аммо ушбу ғоя тартибга солиш бўйича янги режага киритилиш-киритилмаслиги ҳақидаги саволдан ўзларини олиб қочди.
Изоҳ (0)