Польша президенти Анжей Дуда якшанба кунги савдони тақиқлаш тўғрисидаги қонунни имзолади. Бу ҳақда «Корреспондент.net» хабар бермоқда.
Қабул қилинган қонун савдо ходимларига якшанбани оилалари билан бирга ўтказиш имкониятини бериши айтилмоқда.
Қонунга кўра, интернет-дўконлар, дорихоналар, ёқилғи қуйиш шохобчаларидаги дўконлар, новвойхоналардаги савдо нуқталари, оилавий бизнес корхоналари учун истиснога йўл қўйилиши мумкин.
Шунингдек, Рождество ва Пасха арафасидаги савдога ҳам чекловлар жорий этилди.
Қонун босқичма-босқич амалга оширилиши режалаштирилган. Жумладан, 2018 йилда ойда икки, 2019 йилда эса уч якшанба тақиқ кучда бўлади. 2020 йилдан якшанба кунги савдолар тўлиқ ман этилади.
Изоҳ (0)