Бугун, 29 январь куни Татаристон туризм қўмитаси раиси Сергей Иванов айни пайтда мамлакатда бўлиб турган ўзбекистонлик журналистлардан иборат делегацияни қабул қилди. Бу ҳақда учрашувда иштирок этган «Дарё» мухбири Фозилбек Юсупов хабар бермоқда.
Дўстона бошланган учрашув давомида Татаристон ва Ўзбекистон ўртасида ўзаро туризмни ривожлантириш масалалари кўриб чиқилди. Келажакда истиқболли режалар муҳокама қилинди.
Татаристон Республикаси Россия ўлкасида туристлар энг кўп ташриф буюрадиган ҳудуд ҳисобланади (Москва ва Санкт-Петербургдан кейин). Мамлакатга 2017 йилда 3,1 миллион сайёҳ ташриф буюрган бўлиб, бу 20—30 миллиард рубль даромад деганидир. Бу кўрсаткич Татаристон республикаси бюджетининг 1,5-2,0 фоизини ташкил этади.
Учрашувда Татаристон ва Ўзбекистон ўртасида поездлар қатнови йўлга қўйилиши мумкинлиги таъкидланди. Ҳозирда бу борада бир қатор амалий ишлар олиб борилмоқда. Агарда Тошкент — Қозон ўртасида поездлар қатнови йўлга қўйилгудек бўлса, 2600 километрлик масофани 1,5—2 кунда босиб ўтиш мумкин бўлади.
Изоҳ (0)