30 январь куни Ўзбекистоннинг айрим ҳудудларида қор ёғиши мумкин

30 январь куни Тошкентда ҳаво ўзгариб туради, кечаси ва эрталаб қор ёғиб, туман тушиши мумкин. Кундузи ёғингарчилик бўлмайди. Кечаси 7—9, кундузи 0—2 даража совуқ бўлади. Бу ҳақда ЎзА хабар бермоқда.

Қорақалпоғистон Республикаси, Хоразм, Бухоро, Навоий, Қашқадарё ва Сурхондарё вилоятларида ҳаво ўзгариб туради, ёғингарчилик бўлмайди. Айрим жойларда туман тушиши мумкин.

Қорақалпоғистон Республикаси ва Хоразм вилоятида кечаси 15—20, кундузи 5—10, Устюрт бўйлаб кечаси 20—25, кундузи 10—15 даража совуқ бўлади.

Бухоро ва Навоий вилоятларида кечаси 10—15, кундузи 0—5, чўл ҳудудлари бўйлаб кечаси 15—20, кундузи 5—10 даража совуқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, кечаси ва эрталаб қор ёғиб, туман тушиши мумкин. Кундузи ёғингарчилик бўлмайди. Кечаси 7—12, кундузи 0—5 даража совуқ бўлади.

Қашқадарё ва Сурхондарё вилоятларида кечаси 7—12 даража совуқ, кундузи 3 даража совуқ, 2 даража илиқ бўлади.

Андижон, Наманган ва Фарғона вилоятларида ҳаво ўзгариб туради, кечаси ва эрталаб қор ёғиб, туман тушиши мумкин. Кундузи ёғингарчилик бўлмайди. Кечаси 5—10, кундузи 0—5 даража совуқ бўлади.

Республиканинг тоғли ҳудудларида ҳаво ўзгариб туради, қор ёғиб, туман тушиши мумкин. Кечаси 13—18, кундузи 3—8 даража совуқ бўлади.