Остона масжидлари умумшаҳар хайрия акцияси доирасида аҳолининг ижтимоий заиф қатламларига ёрдам кўрсатмоқда, деб ёзади «Казинформ».
Об-ҳаво ноқулай бўлган кунларда жамоат транспортини кутаётган шаҳар аҳолиси манзилларига текин олиб борилди. Тўртта муҳтож оилага олти тонна кўмир тарқатилди. Шунингдек, йўл ишчилари ва қурувчиларга иссиқ овқатлар ташкиллаштирилди.
«Акциямизнинг асосий мақсади — совуқ кунларда кишиларга кўмак бериш, муҳтож оилаларни қўллаб-қувватлаш. Ҳафта охирига қадар ёқилғи тарқатишни икки тоннагача ошириш ва уни 25 та оилага тарқатишни режалаштирмоқдамиз», — дейди «Нур Остона» масжиди раҳбари Илёс Отаров.
Унинг сўзларига кўра, икки кун давомида пойтахтнинг 400 нафар аҳолисига текин иссиқ овқат тарқатилган. Бундан ташқари, акция доирасида махсус логотипли автомобиллар жамоат транспортини кутаётган фуқароларни белгиланган манзилларга элтмоқда.
Изоҳ (0)