КХДР «уйдаги ва чет элдаги» корейсларни тинчликни ҳимоя қилиш бўйича кучларини бирлаштиришга ва АҚШ провокацияларига тўсиқ бўлишга чақирди. Шимолий Корея уларни бирлашувга етаклайдиган муваффақиятга эришишга даъват этди, деб ёзади «РБК» КХДР Марказий телеграф агентлиги сайтида эълон қилинган хабарга таяниб.
Ҳам КХДР, ҳам Жанубий Кореядаги корейсларнинг барчаси ҳамкорлик, алоқа ва туризмни ривожлантиришга ҳисса қўшиши керак, дейилади баёнотда.
Пхеньяндагилар фикрича, иккала Корея фуқаролари ҳам кескин ҳарбий тангликни юмшатиш ва ярим оролда тинч иқлимни яратиш учун эркин кўчиб юриш имкониятига эга бўлиши керак.
Бундан ташқари, КХДР икки мамлакатнинг бирлашишига тўсқинлик қилиш борасидаги барча уринишларни чипакка чиқаришини таъкидлади.
21 январь куни сўнгги тўрт йил ичида биринчи марта КХДР делегацияси Олимпия ўйинларида қатнашиш учун Жанубий Кореянинг Каннин шаҳрига етиб келди. Бундан бир кун олдин Халқаро олимпия қўмитаси шимолий кореялик 22 спортчининг бўлғуси қишки мусобақаларда қатнашишига рухсат берди.
Изоҳ (0)