Қозоғистоннинг Ақтўбе вилоятида автобус ёниб кетиши оқибатида 52 нафар ўзбекистонликнинг ҳалок бўлиши юзасидан жиноий иш қўзғатилди. Бу ҳақда, Қозоғистон полициясига асосланиб, Tengrinews нашри хабар бермоқда.
«Факт мамлакат ЖКнинг 345-моддаси 4-банди бўйича қайд этилди», — таъкидлади нашрнинг манбаси.
Мазкур модда йўл ҳаракати хавфсизлиги ёки транспорт эксплуатацияси қоидаларининг бузилиши оқибатида эҳтиётсизликдан одам ўлишини назарда тутади. Бу моддага кўра жавобгар беш йилдан ўн йилгача озодликдан маҳрум қилиниши мумкин.
«Биз 52 тобут ва транспорт тайёрлаб қўйдик. Қариндошлар, катта эҳтимол билан, таниш жараёнига келмайди. Ёриш Ақтўбеда ўтказилади, сўнг таналар самолёт билан Ўзбекистонга юборилади ва таниш жараёни ўша ерда ўтказилади», — деди Ақтўбе вилояти маъмурияти вакили.
Изоҳ (0)