Қозоғистон авиация компаниялари ва Американинг Boeing корпорацияси 1,3 миллиард долларлик битим имзолади. Бу ҳақда 17 январь, чоршанба куни Қозоғистон президенти Нурсултон Назарбоевнинг матбуот хизмати маълум қилди, деб ёзади «ТАСС».
«Ташриф давомида ҳар иккала етакчи (Қозоғистон ва АҚШ президентлари Нурсултон Назарбоев ва Дональд Трамп) Boeing ва Қозоғистон авиатармоқлари ўртасидаги умумий суммаси 1,3 миллиард долларлик алоҳида битимларни маъқуллади. Шартномалар АҚШда 7,1 мингта бевосита ва билвосита иш ўрни очилишини кўзда тутади», — дейилади ҳужжатда.
Унда, шунингдек, Қозоғистоннинг SCAT Airlines компанияси Boeing-737 MAX 8 моделидаги олтита самолёт буюртма қилганлиги таъкидланади.
Изоҳ (0)