Перудаги Виниканота дарёсидан 2018 йилнинг 2 январь куни ҳалок бўлган сайёҳ аёлнинг жасади топилди, деб хабар беради The Sun.
Аёл жарлик тепасидан арқонга осилиб учаётганида йиқилиб тушган. Аттракцион эгалари полиция билан бўладиган кўнгилсизликлардан қочиб, жасадни яқин атрофдаги дарёга улоқтирган. Бироқ полиция жиноятчиларни ушлашга муваффақ бўлди.
Испаниялик 28 ёшли Нетали Салазар Янги йил муносабати билан Перу бўйлаб саёҳатга чиққан эди. Саёҳат якунида у дунёдаги энг узун аттракцион ҳисобланувчи The Flight of the Condor аттракционидан сакрамоқчи бўлиб, ҳалок бўлди.
Аттракцион эгаси ва ходими ҳодиса юзасидан бир-бирига зид кўрсатма берган. Улардан бири аёлнинг боши билан йиқилиб тушганини, иккинчиси эса Салазар арқонга осилаётганида унга яна бир эркак ҳамроҳлик қилгани учун арқон узилиб кетганини маълум қилган.
Бироқ марҳумага нисбатан қидирув эълон қилинганидан сўнг аттракцион ходимлари жасадни дарёга улоқтирганини тан олган.
Изоҳ (0)