АҚШ президенти Дональд Трамп Қозоғистон президенти Нурсултон Назарбоев билан учрашув олдидан муҳожирлар АҚШга «ҳамма ёқдан» келишини исташини айтди. Бу ҳақда Meduza хабар бермоқда.
Журналистлар билан мулоқот тугагани ҳақида эълон қилингач, мухбирлардан бири Трампдан АҚШга муҳожирлар нохушроқ мамлакатлардан эмас, балки Норвегия сингари мамлакатлардан келишини хоҳлаши ҳақида гапирган-гапирмаганлигини сўради.
«Ҳаммага катта раҳмат! Улар ҳамма ёқдан келишини хоҳлайман, ҳар ёқдан!» — деди Трамп.
Аввалроқ Дональд Трамп қонун чиқарувчилар билан учрашув чоғида Америкага баъзи мамлакатлардан келган муҳожирларни «жирканч мамлакатлар»дан чиққанлар деб атаган ва АҚШ Норвегия сингари мамлакатлардан одамларни жалб қилиши кераклигини таъкидлаган эди.
Эслатиб ўтамиз, Нурсултон Назарбоев 16—18 январь кунлари АҚШда ташриф билан бўлади.
Изоҳ (0)