Равшан Ҳайдаров бошқарувидаги Ўзбекистон U23 терма жамоаси Осиё Чемпионатининг чорак финалида Японияга қарши кураш олиб боради.
Осиё Чемпионатини мағлубият билан бошлаган Ўзбекистон U23 термаси чорак финалга йўл олди
Кунчиқар юрт футболчилари сўнгги турда принципиал рақиб ҳисобланган КХДР устидан 3:1 ҳисобида зафар қучди ва гуруҳни 100 фоизлик натижа билан пешқадам сифатида якунлади. Бунга қадар япониялик футболчилар кетма-кет икки турни 1:0 ҳисобидаги ғалабалар билан тугатганди.Гуруҳда иккинчи бўлиш фаластинликларга насиб қилди. Улар сўнгги турда Таиланд дарвозасига 5 та гол уришнинг уддасидан чиқа олди. Ярим финал йўлида Фаластин термаси ўз гуруҳини 100 фоизлик натижа билан тугатган Қатарга рақиб бўлади.
Осиё Чемпионати U23 «B» гуруҳи. 3-тур 16 январь, сешанба
Япония — КХДР 3:1
Голлар: Такахиро Янаги, 33 (1:0). Кожи Миёши, 43 (2:0). Ким Ю Сонг, 52 (2:1). Рео Хатате, 74-пен (3:1).Таиланд — Фаластин 1:5
Голлар: Муҳаммад Фаънун, 15 (0:1). Одай Дабаҳ, 26 (0:2). Муҳаммад Юсуф, 31 (0:3). Муҳаммад Дарвеш, 33 (0:4). Ченроп Сампаоди, 44 (1:4). Шиҳаб Қинбар, 88 (1:5).
Ўзбекистон ва Япония термалари 14 декабрь куни Таиланддаги халқаро турнир финалида ўзаро тўқнаш келган бўлиб, унда 2:2 ҳисоби қайд этилган ва Равшан Ҳайдаров жамоаси пенальтилар сериясига кўра рақибини таслим этишга эришганди.
Изоҳ (0)