Мексикада яна бир журналист — Тамаулипас штатидаги Diario de Nuevo Laredo нашри ходими Карлос Домингес ўлдирилди. Бу ҳақда «РИА Новости» хабар бермоқда.
Домингес номаълум шахслар томонидан штатнинг Нуэво-Ларедо шаҳри марказида, ўзининг машинасида ўлдирилди. Бу пайт унинг ёнида қизи ҳам бўлган.
Охирги вақтларда Домингес ўз нашрида сиёсий мавзудаги колонкани юритаётганди. Тамаулипас бош прокуратураси жиноятни ўрганишга киришди.
Январь ойи бошида Мехикода мамлакатдаги энг нуфузли ва оммабоп нашрлардан бири —Universal журналисти Хосе Херардо Мартинес ўлдирилганди.
Маълумот учун, Мексикада 2017 йили 12 нафар журналист ўлдирилди.
Изоҳ (0)