Лондондаги Harrods дўконидан малика Диана ва Доди ал-Фаёднинг бронза ҳайкали олинади ва дўконнинг собиқ эгаси Муҳаммад ал-Фаёдга қайтарилади. Бу ҳақда дўкон директори Майкл Уорд маълум қилди, деб хабар беради «РБК».
«Биз одамлар келиб, Диана ва Додига эҳтиромларини билдириши учун бу обидани Муҳаммад ал-Фаёдга қайтариш вақти етганини ҳис қилдик», — дейди Уорд.
«Бегуноҳ қурбонлар» деб номланган ҳайкал 2005 йили, малика Диана ва Доди ал-Фаёд Парижда ҳалок бўлганидан 8 йил ўтиб ўрнатилганди.
2010 йили Муҳаммад ал-Фаёд дўконни Қатар амирлик оиласига 1,5 миллиард долларга сотди.
Изоҳ (0)