Жанубий Корея ҳукумати КХДРнинг Пхёнчхандаги Олимпиадага шимол кореялик санъат усталарини юбориш юзасидан музокаралар ўтказиш таклифини қабул қилди. Бу ҳақда «Коммерсантъ» хабар бермоқда.
Аввалроқ Шимолий Корея Жанубий қўшнисига 15 январь куни ишчи музокалар ўтказишни, унда асосан шимолий кореялик санъаткорларнинг Жанубий Кореяга гастроллар уюштириш имкониятларини муҳокама қилишни таклиф этгани маълум қилинган эди.
Эслатиб ўтамиз, Шимолий ва Жанубий Корея 2018 йил 9 январида музокаралар ўтказди — бу икки томоннинг 2015 йил декабридан бери ўтказилган илк учрашуви бўлди. Унда асосий мавзу Жанубий Кореянинг Пхёнчхан шаҳридаги қишки Олимпиада ўйинларида шимоллик спортчиларнинг иштироки масаласи бўлган.
Маълумот учун, Пхёнчхан мезбонлик қиладиган 2018 йилги қишки Олимпия ўйинлари 9—25 февраль кунлари бўлиб ўтади.
Изоҳ (0)