Интернетда ҳали эълон қилинмаган Nokia 1 смартфони деб тахмин этилаётган қурилманинг илк суратлари пайдо бўлди, деб ёзади Hi-Tech Mail.Ru. Миш-мишларга кўра, у HMD линейкасидаги 95 доллар / 80 евро нархли энг арзон смартфонга айланиши ва март ойида чиқарилиши керак.
Гап-сўзларга қараганда, смартфон Nokia 2 га ўхшаш бўлади ва 720п IPS-экран, 1 Гб тезкор ва 8 Гб доимий хотира, металл ром ва поликарбонат корпус, Snapdragon 212 чипсетига эга бўлади. У Android операцион тизимининг кам қувватли қурилмалар учун оптималлаштирилган енгил версияси — Android Go’да ишлайди.
Суратларда орқа панелда ёруғлик диодли вспишка ёнида жойлашган камера датчигини кўриш мумкин. Агар фото ҳақиқий бўлса, смартфон февралдаги MWC’да намойиш этилиши мумкин.
Изоҳ (0)