Манбаларга кўра, Apple компанияси iPhone SE 2 смартфонини шу йилнинг биринчи ярмида тақдим этиши мумкин, деб ёзади Hi-Tech Mail.Ru.
Хитойдан тарқалган маълумотга кўра, қурилма шу йилнинг июнида бўлиб ўтадиган Apple Worldwide Conference конференциясида намойиш этилиши мумкин. Шунингдек, таъкидланишича, iPhone SE 2 симсиз қувват олишни таъминловчи шиша орқа панелга эга бўлади.
Бугунги кунда фақат iPhone X, iPhone 8 Plus ва iPhone 8 гина симсиз қувват олиш функцияси ва шиша орқа панель билан жиҳозланган. iPhone SE 2 деб тахмин этилаётган қурилма суратида орқа камера ва ёруғлик диодли вспишка вертикал тарзда жойлашганини кўриш мумкин.
Миш-мишларга кўра, iPhone SE 2 4 ёки 4,2 дюймли дисплей, Apple А10 Fusion чипсети, 2 Гб тезкор ва 32 / 128 Гб доимий хотира, 12 мегапикселли асосий ва 5 мегапикселли олд камера, 1700 мА/соат сиғимли батареяга эга бўлиши мумкин.
Қурилма тахминан 400 доллар нархда сотувга чиқиши кутилмоқда.
Изоҳ (0)