Федерал қидирув бюроси (ФҚБ) Клинтонлар фондига нисбатан текширув бошлади. Бу ҳақда «ТАСС» хабар бермоқда.
Текширув фондга хайрия маблағлари ўтказилиши эвазига Клинтонлар уларнинг эгаларига сиёсий кўмак берган-бермаганлигига аниқлик киритиши кўзда тутилган.
Шунингдек, фонднинг солиқ солинмайдиган активлари шахсий ҳисоб-рақамларига ўтказилгани ёки сиёсий мақсадларда фойдаланилгани ҳам ўрганилади.
ФҚБ агентлари мазкур иш доирасида камида бир гувоҳни сўроқ қилгани ва яқин ҳафталар мобайнида бюро бу борада қўшимча чоралар кўриши билдирилмоқда.
Клинтонлар оиласи фонди 2001 йилда ташкил этилган ва шу пайтга қадар миллиардлаб долларни жалб этган. Президент Трамп 2016 йилги сайлов кампаниясидаги рақиби Ҳиллари Клинтонни ушбу фондга хайрия қилган давлатларга (улар қаторида Саудия Арабистони ҳам бор) хизматлар кўрсатиб келганликда айблаган эди.
Изоҳ (0)