Тriо «ақлли» браслети бир қатор датчиклар билан жиҳозланган бўлиб, у одамнинг ЭКГсини, юрак ритми ва артериал босим кўрсаткичларини ёзиб боради. Ушбу маълумотлар одамнинг стрессини, жисмоний ва руҳий ҳорғинлигини ва бошқа муаммоларини аниқлашда керак бўлади. Эндиликда одамлар ўз соғлигини смартфон дастури орқали кузатишлари мумкин, деб хабар берди Hi-Tech.Mail.Ru.
Браслет ўз эгасининг тушкунлик даражаси ошганлигини пайқаб қолса, нафас олишни маълум бир ритмга солувчи, одамнинг тинчланишига ёрдам берадиган қўлланма дастурини ишга туширади. Шунингдек, браслет ушбу схемадан уйқуга ётишдан олдин фойдаланишни тавсия қилади, бу яхши ухлаш ва тетик уйғонишга ёрдам беради.
Тriо одатдаги фитнес-браслетлар каби ишлайди. У машғулотлар натижасини ёзиб боради: вақт, самарадорлик ва «ёқилган» калориялар миқдори. Bluetooth орқали смартфонга уланганида браслетдан маълумотлар қабул қилиш мумкин. Қурилманинг аккумулятори 4—5 иш кунига бемалол етади.
Браслет 2018 йилнинг март ойидан бошлаб савдога чиқарилади, бироқ уни ҳозирдан 39 доллар эвазига буюртма қилиш мумкин.
Изоҳ (0)