Тармоқларда Galaxy S9 ва S9 Plus флагманларининг янги суратлари пайдо бўлди. Тахминларга кўра, бу смартфоннинг якуний дизайни бўлиши кутилмоқда, деб хабар берди Hi-Tech.Mail.Ru.
Тарқалган барча маълумотларга ишониладиган бўлса, Samsung’нинг янги флагманлари жорий йилдагиларидан — Galaxy S8 ва S8 Plus’дан деярли фарқ қилмайди. Тўғридан-тўғри таққослаш орқали билиш мумкинки, унинг юқори ва пастки ҳошияси кичрайган, шунингдек, бармоқ изи сканери асосий камерадан пастроқда жойлашган.
Смартфонларнинг қолган жиҳатлари бир хил: томонлар нисбати 18:9 бўлган кенг форматли дисплей ва икки томонидан эгилган ойна. Galaxy S9 Plus моделининг иккиталик камераси худди Galaxy Note 8’никига ўхшаш бўлади.
Чап томонидан Bixby ассистентини чақириш тугмачаси жой олади, шунингдек, наушниклар учун 3,5 миллиметрли порт ва microSD хотира картасининг ўрни ўз жойида қолади.
Galaxy S9 февраль ойининг охирларида — Барселонадаги MWC2018 халқаро кўргазмасига бир неча кун қолганида тақдим этилиши кутилмоқда.
Изоҳ (0)