Apple эски iPhone’ларнинг ишлаши секинлашгани ҳақидаги айбловга жавоб берди. Компания процессорларнинг частоталарини атайлаб пасайтираётганини тан олди. Бу ҳақда TechCrunch нашрига таяниб, TJournal хабар берди.
Компаниядагиларнинг аниқлик киритишича, Apple’нинг мақсади — фойдаланувчиларга «юқори тезликда ишловчи ва эгасига узоқ вақт хизмат қилувчи энг яхши тажрибани» тақдим этишдан иборат. Процессорларнинг секинлашуви литий-ионли аккумуляторлар табиати билан изоҳланди. Ушбу аккумуляторлар юқори ва паст ҳароратга бардошли эмас.
Литий-ионли батареялар совуқ шароитда қувватни ёмонроқ сақлай бошлайди ва совуқ шароитда уларни кескин йўқотади. Шу сабабли қурилмалар электрон қисмларини ҳимоя қилиш мақсадида тўсатдан ўчиши мумкин.Шунингдек, Apple вакиллари келажакда ушбу функцияни компаниянинг бошқа маҳсулотларига ҳам қўшиш нияти бор эканлигини маълум қилди.Ўтган йили кутилмаган ўчишларнинг олдини олиш учун ушбу функцияни (процессор частотасини пасайтириш) iPhone 6, iPhone 6s ва iPhone SE’га қўшган эдик. Яқин кунларда у iPhone 7’нинг янгиланган iOS 11.2 версиясида ҳам пайдо бўлади.
Apple баёноти
TechCrunch муҳаррири Мэттью Панзаринонинг таъкидлашича, Apple бу орқали iPhone’даги батареяларнинг узоқроқ хизмат қилишини таъминлайди: смартфон ўзига ортиқча жиддий энергия керак бўлмаслиги учун процессор фаоллигини чегаралайди.
11 декабрда Reddit фойдаланувчилари батареяси алмаштирилган iPhone’лар тезроқ ишлашини пайқаб қолган эди. TeckFire никли фойдаланувчи смартфоннинг битта моделини эски ва янги аккумуляторлар билан синовдан ўтказиб кўрди ва Apple сунъий равишда эски қурилмаларнинг тезлигини камайтирмоқда деган хулосага келди.
Изоҳ (0)