Instagram’даги аккаунти ўчириб ташлангач, Чеченистон раҳбари Рамзан Қодиров бошқа ижтимоий тармоқ — Mylistory’га ўтганини эълон қилди, деб ёзади Meduza.
Унинг сўзларига кўра, ушбу ижтимоий тармоқ «Чеченистонда синов босқичида турибди ва чет мамлакатларникидан кам эмас».
«Энди барча муҳим янгиликларни фото ва видеолари билан ушбу дастурга жойлаб бораман», — дея маълум қилди Чеченистон раҳбари.
Хабарларга кўра, дастур Instagram’нинг эски версиясининг айни нусхасидир. Mylistory’да постларни изоҳлаш, дўстларни белгилаш ва шахсий хабарларда мақолалар билан бўлишиш мумкин.
Эслатиб ўтамиз, 20 декабрь, чоршанба куни АҚШ расмийлари инсон ҳуқуқлари поймол этилишига алоқадор шахслар ўрин оладиган «Магнитский рўйхати»га Чеченистон раҳбари Рамзан Қодировни киритгач, 23 декабрга ўтар кечаси унинг Instagram ижтимоий тармоғидаги саҳифаси ишлашдан тўхтади.
Изоҳ (0)