АҚШда соғлом бола бадгумон онаси туфайли 323 та текширув ва 13 та операцияни бошидан ўтказди

АҚШнинг Техас штатида яшовчи 34 ёшли Кэйлин Боулин бир неча йиллар давомида аслида соғлом бўлган ўғлини хаста деб, 323 та текширувдан ва 13 та операциядан ўтказгани учун оналик ҳуқуқидан маҳрум қилинди, деб ёзади «Metronews.ru».

Бола чала туғилган, онаси эса унда ноёб ирсий касаллик борлигини даъво қилган. 2009 йилдан 2013 йилгача бола 323 марта текширувдан ўтган ва 13 марта жарроҳлик аралашувини бошидан ўтказган. Бундан ташқари, аёл болани ўпка кўчириб ўтказишга навбатга қўйишга интилган. У, шунингдек, боласини муқаррар ўлим кутаётганини даъво қилиб, хайрия маблағларини йиғган.

Боланинг отаси уни ўз қарамоғига олишни истаган, аммо ҳукумат унинг аризасини қондиришдан бош тортган, 2012 йилда эса ҳатто унга ўғли билан кўришишни тақиқлаб қўйган.

Кейинроқ бола касал эмаслиги маълум бўлди. Шифокорларнинг якуний хулосасига кўра, болада онаси даъво қилган касалликлар йўқ, ва у органлар трансплантациясига муҳтож эмас.

Айни пайтда Кэйлин болаларни тарбиялашдан четлатилди. Унга болага унинг саломатлигига зиён келтирган шикастланишлар етказишда айбланмоқда. Аёл гаров пули эвазига қамоқдан қўйиб юборилди, унинг 8 ёшли ўғли эса отасининг қарамоғига ўтди.