ЎФФ вице-президенти Шоакрам Исроилов миллионлар ўйинидан номуайян муддатга четлатилган Вадим Абрамов масаласига ойдинлик киритди. «Championat.asia» журналистлари бунинг сабабларини билиш учун ЎФФга борганида, уларни вице-президент ҳамда ПФЛ бош директори Омон Ғофуров қарши олган.
Абрамов ЎФФдаги ўзгаришларга қарши ноўрин фикрлар билдиришдан чарчамади. Унинг четлатилиши яқинда бўлиб ўтган мажлисдаги гаплари билан боғлиқ эмас. Вадим Абрамов «балки мажлисдаги гапларим уларга ёқмаган бўлса керак», — деб интервью берибди. Аслида ундай эмас. Абрамов бир неча бор ОАВда чиқиш қилиб, ЎФФ қилаётган ўзгаришларга қарши эканини кўрсатди.Шоакрам Исроилов, ЎФФ вице-президенти
ЎФФ ҳакамлардан кейин мураббийларга етиб келди ва Вадим Абрамовни футболдан номаълум муддатга четлатди
Исроиловнинг сўзларига кўра, Абрамов фақатгина айтганлари учун четлатилгани йўқ. Бунда бошқа масалалар ҳам. Журналистнинг бирор бир мутахассисни бу йўсинда четлаштириш, қолганларнинг оғзини ёпиш учун эмасми, бундан кейин қолганлар фикр билдиришдан қўрқиб қолмайдими тариқасида берган саволларига вице-президент инкор маъноли жавоб берган. Яъни, бу иш қолганларнинг оғзини ёпиш учун қилинмаган.Вадим Абрамов футболдан четлатилганини журналистлар орқали билди. У энди ЎФФдан тушунтириш сўрамоқчи
Абрамовнинг иш фаолиятини тўлиқ ўрганиб чиқдик, баъзи камчиликлар, ишда йўл қўйилган хатоларни кўрдик. Бу шунчаки ўтириб олиб қабул қилинган қарор эмас. Абрамовнинг фаолиятига доир кўплаб маълумотлар бор бизда. Ҳаммасини чуқур ўйлаб, таҳлил қилиб, уни номуайян муддатга четлатдик. Футболни яхши тушунса, керакли маслаҳатлари бўлса, нега келиб биз билан бўлишмади? Бизнинг эшигимиз очиқ ҳар доим очиқ.Шоакрам Исроилов, ЎФФ вице-президенти
Изоҳ (0)