АҚШнинг собиқ президенти Барак Обама Конгрессга 2016 йилги Америка сайловларига Россиянинг аралашуви мавзусини бўрттириб кўрсатиш бўйича тил бириктириш юзасидан кўрсатма бериш учун чақирилиши мумкин. Бу ҳақда Конгресс вакиллар палатаси спикери Майк Жонсон маълум қилди, дея хабар бермоқда CБН.
“Агар бу Обамага ноқулайлик туғдирса, у бу ишга аралашмаслиги керак эди. Биз учун эса вазият айнан шундай кўринмоқда”, деди у собиқ президентга кўрсатма бериш учун чақирув қоғозини топширишда қийинчиликлар борми, деган саволга жавобан.
Жонсоннинг айтишича, Америка қонунчиларининг вазифаси ҳар бир айбловни текшириш ва ҳақиқатни “илдизини аниқлаш”дан иборат.
Аниқланишича, Миллий разведка директори Тулси Габбард АҚШ ҳукумати амалдаги Америка раҳбари Дональд Трамп ғалаба қозонган 2016 йилги сайловларда Обама маъмуриятидаги фитна иштирокчиларига айблов қўйиш имконини берувчи далилларга эга эканлигини таъкидлаган.
Бундан олдин Трамп Обамани Россияга қарши туҳматлар уюштирганликда айблаган эди. Унинг айтишича, Обама, АҚШнинг собиқ президенти Жо Байден, президентликка номзод Ҳиллари Клинтон ва бошқалар Россиянинг 2016 йилги Америка сайловларига аралашуви ҳақидаги сохта маълумотни яратишда иштирок этган.
Бунда аввал Трамп Обаманинг тез орада қамоққа олинишига ишора қилиб, собиқ президент ФҚБ ходимлари томонидан ҳибсга олинаётгани тасвирланган сунъий яратилган видеони эълон қилганди.
Изоҳ (0)