АҚШдаги «Симпсонлар» мультсериали президент Дональд Трамп Россия бўйича текширув олиб бораётган махсус прокурор Роберт Мюллерга пора таклиф қилаётган қисқа метражли лавҳани намойиш этди. Бу ҳақда «РИА Новости» хабар бермоқда.
Мультсериалнинг Twitter’даги саҳифасида жойлаштирилган парчада бош прокурор Жефф Сэшнс Мюллерни Вашингтондаги Trump International меҳмонхонасига олиб келади. Улар эшигига «Руслар бу ерда кутилган меҳмон» ёзуви туширилган хонага киради. Бу ерда Сэшнс ва Мюллерни Трамп қарши олади.
Шундан сўнг Трамп Мюллерга 750 миллион доллар пора таклиф қилади. Мюллер порани рад қилади ва хонани тарк этади.
Эслатиб ўтамиз, 2000 йили «Симпсонлар»да Трамп Оқ Уйни эгаллаши башорат қилинганди.
Маълумот учун, Трампнинг шахсий адвокатлари келгуси ҳафтада Мюллер билан учрашади.
Изоҳ (0)