Олимпия чемпиони Алина Кабаева Подмосковьедаги Новогорск олимпия қишлоқчасида Ирина Винер-Усмонованинг Гимнастика маркази тантанали очилиш маросимида қатнашди, деб ёзади «MK.ru».
Қатор ОАВларда тадбирга «олтин» кўйлакда келган Кабаеванинг қиёфаси муҳокама мавзусига айланди.
Эслатиб ўтамиз, россиялик миллиардер Алишер Усмоновнинг рафиқаси Ирина Винер-Усмонова Самарқандда туғилган бўлиб, бадиий гимнастика бўйича уч карра Ўзбекистон чемпиони бўлган. 1992 йилдан у Москвада яшаб келади ва 2001 йилдан Россиянинг бадиий гимнастика бўйича терма жамоасига мураббийлик қилади.
Унинг шогирди Алина Кабаева эса бадиий гимнастика билан Тошкентда шуғулланишни бошлаган, 1995 йилдан Москвага кўчиб ўтиб, спорт карьерасини Ирина Винер раҳбарлиги остида давом эттирган.
Изоҳ (0)