Польша сенати мамлакатда якшанба куни савдо-сотиқни тақиқлаш учун овоз берди. Олдинроқ қонун лойиҳаси парламент қуйи палатаси — сейм томонидан маъқулланганди, деб хабар беради «Корреспондент.net».
Католик черкови ва «Бирдамлик» касаба уюшмаси ташаббускори бўлган қонун уч босқичда амалга оширилади.
2018 йил 1 мартдан савдо марказлари ва супермаркетларга фақат ойнинг биринчи ва охирги якшанбасида ишлашга рухсат берилади. 2019 йил январидан бошлаб охирги якшанба куни учунгина ижозат берилади. Охирги босқичда — 2020 йилда якшанба кунги савдо буткул ман этилиши лозим.
Истисно тариқасида дўконларга йилда тўрт якшанба, шунингдек, Рождество ва Пасха арафасида ишлашга рухсат берилади.
Изоҳ (0)