Лондонда Чарльз Дарвиннинг 1861 йилда чоп этилган китоби 1 млн долларга сотилди

Лондондаги Christie’s кимошди савдо уйида Александр Пушкин қаламига мансуб «Руслан ва Людмила» достонининг биринчи нашри 93,75 минг фунт стерлингга (125,36 минг доллар) сотилди. Бу ҳақда ЎзА хабар берди.

1820- йилда нашр этилган ушбу достоннинг бошланғич нархи 50-70 минг фунт стерлингга (66,9-93,6 минг доллар) баҳоланаётган эди. Пушкиннинг 1826 йилга оид шеърлар тўплами эса 60 минг фунт стерлингга (80,2 минг доллар) харид қилинди.

Шунингдек, инглиз табиацҳуноси Чарльз Дарвиннинг 1861 йилда чоп этилган «Табиий танланиш йўли билан турларнинг келиб чиқиши» номли китоби 788,75 минг фунт стерлингга (1,05 миллион доллар) сотилди.

Саҳифаларида муаллиф қайдлари мавжуд мазкур асарнинг бошланғич нархи 300-500 минг фунт стерлингга (400-668 минг доллар) баҳоланганди.